ქართული ღონისძიება სილიკონის ველზე!

მიმდინარე წლის 27 ოქტომბერს კალიფორნიაში, სილიკონის ველზე Google Cloud Campus-ის სივრცეში ჩატარდა Globalize-ის რიგით მეხუთე კონფერენცია.

გამოფენის მიზანი ტრადიციულად ქართული სტარტაპებისა და კომპანიების ხელშეწყობა და მხარდაჭერა გახლდათ, მათი სამომავლო განვითარებისა და საერთაშორისო ბაზარზე გაფართოებისათვის საჭირო ინვესტიციებისა და პარტნიორების მოძიებისა თუ სასარგებლო კავშირების დასამყარებლად.

აღნიშნულ კონფერენციაზე ქართულ კომპანიებსა და სტარტაპებს მიეცათ შესაძლებლობა მოესმინათ და პირდაპირ დაესვათ შეკითხვები ინდუსტრიის ლიდერებისთვის, გაცნობოდნენ  გლობალური ტექნოლოგიების ტენდენციებსა და შესაძლებლობებს, შეხვედროდნენ უცხოელ პოტენციურ პარტნიორებს .

კონფერენციაზე 8 ქართულმა სტარტაპმა წარადგინა თავისი ინოვაციური იდეები გლობალურ სცენაზე ინვესტორების, ფონდის წარმომადგენლების თუ ინდუსტრიის ლიდერების წინაშე, ასევე გაუზიარეს თავიანთი ცოდნა და გამოცდილება ტექნიკურ მეწარმეთა მომავალ თაობებს.

ღონისძიება ასევე მოიცავდა რამდენიმე სექციას, სადაც ინვესტორებმა და ფონდების წარმომადგენლებმა ისაუბრეს დაფინანსების მოპოვებასთან დაკავშირებით განაცხადის წარდგენისა და შერჩევის ძირითადი ეტაპების პროცესში საყურადღებო საკითხებზე. ღონისძიების დამსწრე საზოგადოებას შესაძლებლობა ჰქონდა პირდაპირ დაესვა საინტერესო შეკითხვები და მიეღოთ პასუხები.

აღნიშნული ღონისძიების ფარგლებში 30 ოქტომბერს სანფრანცისკოში, საქართველოს საკონსულოში (Consulate General of Georgia in San Francisco) მოეწყო ქართული პროდუქციის გამოფენა.

გამოფენაზე წარდგენილი იყო გამორჩეული ქართული ღვინოები, უგემრიელესი ქართული კულინარიული ნაწარმი, ხელნაკეთი კერამიკული ნივთები, ტყავისა და ქსოვილის ორიგინალური აქსესუარები,  

ღონისძიებას დაესწრო იდეა დიზაინ ჯგუფის აღმასრულებელი დირექტორი - მარიამ ზანგალაძე.

“მსგავსი ინიციატივები საუკეთესო საშუალებაა ბიზნესის განვითარების, გაფართოების, ახალი ტენდენციებისა და შესაძლებლობების გასაცნობად და პარტნიორული ურთიერთობების გასაღრმავებლად იდეების განხილვის და სამომავლო თანამშრომლობის კუთხით.”-მარიამ ზანგალაძე