"იდეა დიზაინ ჯგუფმა" მონაწილეობა მიიღო თბილისში გამართულ საქართველო-სლოვაკეთის ბიზნეს ფორუმში

18 ოქტომბერს, "იდეა დიზაინ ჯგუფმა" მონაწილეობა მიიღო თბილისში გამართულ  საქართველო - სლოვაკეთის  ბიზნეს ფორუმში, რომელმაც თავი მოუყარა 50 - მდე ქართულ და 20 - მდე სლოვაკურ კომპანიას, საინფორმაციო  და საკომუნიკაციო ტექნოლოგიების, სამედიცინო ტექნოლოგიების, ნანოტექნოლოგიების და ენერგეტიკის სფეროებიდან.

 ფორუმის ფარგლებში, "იდეა დიზაინ ჯგუფის" წარმომადგენლებმა, სლოვაკ კოლეგებს გააცნეს კომპანიის უახლესი პროექტები ვებ დეველოპმენტის მიმართულებით, გაცვალეს მოსაზრებები საქართველოსა და სლოვაკეთში  საინფორმაციო ტექნოლოგიების სექტორში განვითარების ტენდენციების შესახებ, ასევე განიხილეს თანამშრომლობის პერსპექტივები, გამოცდილების გაზიარების კუთხით.  

"იდეა დიზაინ ჯგუფი" ქართულ ბაზარზე 13 წელია მუშაობს. კომპანიას განხორციელებული აქვს ათეულობით წარმატებული პროექტი, როგორც სახელმწიფო, ასევე არასამთავრობო, საერთაშორისო და ბიზნეს ორგანიზაციებთან თანამშრომლობით.