Technovation Girls Georgia 2026-ის ეროვნული ფინალი გაიმართა

23-24 მაისს უნივერსიტეტში საერთაშორისო პროგრამის Technovation Girls Georgia 2026-ის ეროვნული ფინალი გაიმართა, სადაც ახალგაზრდა მონაწილეებმა რამდენიმე თვის განმავლობაში შექმნილი ტექნოლოგიური და სოციალური ინოვაციების პროექტები წარადგინეს.

საქართველოს უნივერსიტეტში საერთაშორისო პროგრამის Technovation Girls Georgia 2026-ის ეროვნული ფინალი გაიმართა, სადაც ახალგაზრდა მონაწილეებმა რამდენიმე თვის განმავლობაში შექმნილი ტექნოლოგიური და სოციალური ინოვაციების პროექტები წარადგინეს.

პროგრამის ფარგლებში მონაწილე გოგონებმა იმუშავეს რეალური პრობლემების გადაჭრაზე, შეიმუშავეს ტექნოლოგიური გადაწყვეტილებები და განივითარეს ისეთი მნიშვნელოვანი უნარები, როგორებიცაა პროგრამირება, მეწარმეობა, გუნდური მუშაობა, ლიდერობა და პრეზენტაციის ხელოვნება.

ფინალურ ღონისძიებაზე გუნდებმა საკუთარი პროექტები ჟიურის წარუდგინეს, რის შედეგადაც გამოვლინდა საქართველოს გამარჯვებული გუნდები როგორც Junior, ისე Senior ასაკობრივ კატეგორიებში. გამარჯვებულები საერთაშორისო ეტაპზე გააგრძელებენ ასპარეზობას და საქართველოს მსოფლიო კონკურსზე წარადგენენ.

განსაკუთრებით აღსანიშნავია, რომ 2026 წლის პროგრამაში საქართველოში 550 გოგონა დარეგისტრირდა, ხოლო 230-მა მონაწილემ წარმატებით დაასრულა პროგრამა. ეს შედეგი ნათლად ასახავს ტექნოლოგიების, ინოვაციებისა და მეწარმეობის მიმართ ახალგაზრდა გოგონების მზარდ ინტერესსა და ჩართულობას.

იდეა დიზაინ ჯგუფი ამ მნიშვნელოვანი ინიციატივის მხარდამჭერი ორგანიზაციების შორისაა და მოხარულია, რომ ხელს უწყობს ისეთი გარემოს შექმნას, სადაც ახალგაზრდა გოგონებს შეუძლიათ საკუთარი პოტენციალის გამოვლენა, ტექნოლოგიური ცოდნის გაღრმავება და მომავლის პროფესიული შესაძლებლობების განვითარება.

ვულოცავთ გამარჯვებულ გუნდებს მიღწეულ წარმატებას და წარმატებებს ვუსურვებთ ყველა მონაწილეს, მენტორსა და პარტნიორ ორგანიზაციას, რომლებიც ყოველდღიურად მუშაობენ გოგონების გაძლიერებისა და ტექნოლოგიებში მათი ჩართულობის გასაზრდელად.