მწვანე ვებპორტალი – ახალი შესაძლებლობა ფოთისა და ხობის ახალგაზრდებისთვის

🔎 UNDP-ის პროექტის „მწვანე მომავალი, უფლებები და სტაბილურობა“ ფარგლებში, რომელიც დანიის მთავრობის ფინანსური მხარდაჭერითა და ხელშეწყობით ხორციელდება, შეიქმნა მწვანე ვებპორტალი 👉 https://gogreen.ge.

პროექტის მიზანია საწყის ეტაპზე ფოთისა და ხობის ახალგაზრდებისთვის გარემოსდაცვითი მიმართულებით საინტერესო ღონისძიებების, პუბლიკაციების, კვლევებისა და სიახლეების შესახებ ინფორმაციის ხელმისაწვდომობა, ასევე გარემოზე დაკვირვებისა და ანალიზის პრაქტიკული გამოცდილების მიღება.

🖇️ ვებპორტალში ინტეგრირებულია გარემოსდაცვითი სენსორების მონაცემებზე დაფუძნებული სპეციალური API, რომელიც მომხმარებლებს საშუალებას აძლევს რეალურ დროში გაეცნონ გარემოს მდგომარეობის ცალკეულ მაჩვენებლებს და უკეთ გაიაზრონ მიმდინარე გარემოსდაცვითი პროცესები. მონაცემების ვიზუალიზაცია დინამიურად ხორციელდება როგორც რუკაზე, ასევე ცხრილური ფორმით, რაც მომხმარებლებს აძლევს შესაძლებლობას მათთვის საინტერესო დროის მონაკვეთის მიხედვით მოიძიონ და ჩამოტვირთონ მონაცემები შემდგომი დამუშავებისა და სტატისტიკური ანალიზისთვის.

🤩 მოხარული ვართ, რომ ამ მნიშვნელოვან და საინტერესო პროექტში მონაწილეობის მიღების შესაძლებლობა მოგვეცა.

💚 ვიმედოვნებთ, რომ მწვანე ვებპორტალი ფოთისა და ხობის ახალგაზრდებისთვის სასარგებლო და ინსპირაციული რესურსი იქნება, ხოლო მომავალში მსგავსი გარემოზე დაკვირვების ინიციატივებით სხვა მუნიციპალიტეტების ახალგაზრდებიც დაინტერესდებიან. 🌍