ყაზბეგის დაცული ტერიტორიების საზღვრის დადგენის პროექტი დაიწყო…

31 აგვისტო 2022

2022 წლის 31 აგვისტოს დაიწყო ყაზბეგის დაცული ტერიტორიების საზღვრის დადგენის პროექტი, რომელიც მოიცავს: ყაზბეგის ეროვნულ პარკს, სახიზნარის კლდის ბუნების ძეგლს, აბანოს მინერალური ტბის ბუნების ძეგლს, ქეთერისის მინერალური ვოკლუზის ბუნების ძეგლს, ჯვრის უღელტეხილის ტრავერტინის ბუნების ძეგლსა და თრუსოს ტრავერტინის ბუნების ძეგლს.

პროექტის სამუშაოებს კომპანია “იდეა დიზაინ ჯგუფის” გუნდის წევრები განახორციელებენ. 
 
2022 წლის 1 სექტემბერს ყაზბეგის მუნიციპალიტეტში გაიმართა სამმხრივი შეხვედრა, რომელსაც ესწრებოდნენ ყაზბეგის მუნიციპალიტეტის მერი და რწმუნებულები, ყაზბეგის ეროვნული პარკისა და თრუსოს დაცული ტერიტორიების ადმინისტრაციების ხელმძღვანელები და  „იდეა დიზაინ ჯგუფის“ გუნდის წევრები.

შეხვედრაზე განიხილეს ყაზბეგის დაცული ტერიტორიების საორიენტაციო საზღვრების მიმდებარე ტერიტორიები, დაიგეგმა საველე სამუშაოების საორიენტაციო თანმიმდევრობა და განისაზღვრა კონკრეტულ უბნებზე საკომუნიკაციოდ უფლებამოსილი პასუხისმგებელი პირები.

ყაზბეგის დაცული ტერიტორიების საზღვრის დადგენის საველე სამუშაოები დაიწყება 5 სექტებერს.

სიახლეები